الرغبة في الهروب

نفسي أهج لمكان ما حدا بيعرفني فيه مرات بكون قاعد بنص عيلتي وأصحابي وفجأة بحس بخنقة مش طبيعية وبدي بس أقوم وأمشي وما أرجع كأنه المسؤوليات اللي على كتافي صارت جبل وهاد الجبل عم يهد حيلي كل يوم مطلوب مني أكون السند وأكون القوي وأكون اللي معه دايما مصاري وممنوع أتعب أو أقول آخ نفسي مرة وحدة بس أصحى بمكان ما حدا بيعرف اسمي فيه ولا حدا يستنى مني شي ولا حدا يطالبني بقرارات نفسي أكون غريب عن كل شي وأرتاح من دور الرجل المثالي اللي لازم يتحمل كل شي